فاطمة كريم: بالفيديو أسراب كانت عم تهاجر

القصيدة مرفقة مع الصوت في الفيديو باللهجة السورية

أسرابْ … أسرابْ
كانِتْ عَمْ تْهاجِرْ
قلُّن لَوين الدرب
قالوا البردْ كافر
لا تخافي يا أبوابْ
خليكِ مفتوحة
نحنا حلم بكتاب
عَ اْكْتاف مرجوحة
بعدْ الدّفا في رْجوع
قْناديلْ .. حكي ودموع
مْناديل لَكِل ذكرى
ونظرةْ وحنينْ وجوع
ظِلْ الإِسِمْ شمعة
وشمعة ورا شمعة
ولّا .. بلا الشموع…
سكِّرْ عليهْن بير
لا يهمّك نْواطير
لسّا القلبْ موجوع
وبعدُه العِمِر ناطر
– هَيْ السما إلْكُن.. وجناحكن إلكن
شويِّة صبر يا اْحْباب
هالشمس رح ترجع … بإيديها تحضنكن
هَي السّما شابت مِ النار مِ التلجات
فتحت مداخلها ..لَلريح .. لَلطَّلقات
لَوجوه مكشوفة ما بْتفهم الكلمات
بتبقى السما إلنا لمَّا مِنْ قْفاصا بتتحرر النجمات
بعدو الفضا واسع
وبعدِك يابُوصِلْتي
بتضيعي الطرقات

القصيدة بالفيديو بصوت الشاعرة
https://fbwat.ch/1Da72qLego8nMEqi