نصوص مختارة مما كتبه الشاعر السوري طوني خوري – باللهجة المحكية

نصوص مختارة مما كتبه الشاعر السوري طوني خوري – باللهجة المحكية

بحب الصبح
لما الدنيي
تشلح تياب العَتْم
تا تلبسِك انتي
*******
حضنك دفا
متل الشمس
بالبرد..
متل الطفل
بهرب إلو
لمّا بيسمع رعد
******

شَعْرا..
متل سافر بساط الريح
متل السفينة السدلت شْراعا
جَن الهوى و جَرَّب
خصلة من شعرها يزيح
حط الهوى..
لَ شَعرها الطاعة
بنت النجوم..بتعطي للقمر تلميح
يمكنها اخت الشمس ..بالرضاعة
*****

صبح ماجاب طاريكي

بلا عنوان
شمسه ماتدفيكي
صبح بردان
شخص ماينغرم فيكي
ماهو بانسان
صباحك ريحة القهوة
ياعطر الهيل بالفنجان
صباحك ورد وبزهوة
صباح ملوّن بريحان
صباح الخير ياحلوة
صباح معطر بألوان
لو اسمي مايمر بيكي
اصير فلان
لوماعشت اغنيكي
ماكنت وكان
الصبح من حمصنا يجيكي
على الجولان
ياعمري الروح تفديكي
من الرقة
لسهل حوران
من الرقة ……. لسهل حوران
******

بحبك
متل شاعر شَعَر
لمّا الوحي جالو
جالو الوحي لمّا
لمَح خيالك قبالو
و كل مااا لمح شي خيال
يفكرك انتي
و بس تظهر اللمحات
يطلَع خيالو
******

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s